Аның нигезендә, Кырымда, Алтайда, Краснодар һәм Ставрополь крайларында өстәмә түләүләр кертелә.

(Казан, 14 июль, "Татар-информ"). Дәүләт Думасы депутатлары пленар утырышта җомга көнне курорт салымы турында хөкүмәт канун проектын II укылышта  кабул итте. Аның нигезендә, Кырымда, Алтайда, Краснодар һәм Ставрополь крайларында өстәмә түләүләр кертелә, дип яза “Известия”.

Ахыргы өченче укылышта закон проектын 19 июльдә Дәүләт Думасының пленар утырышында кабул итү планлаштырыла.

Икенче укылышта кабул ителгән төзәтмәләр нигезендә, эксперимент үткәрү вакыты — 2022 елның 31 декабренә кадәр.

Курорт салымының күләме урнашу объектында бер тәүлек өчен 100 сумнан артмаска тиеш.

Материал  http://tatar-inform.tatar/news/2017/07/15/144453/ сайтыннан алынды

Татарстан торак-коммуналь хуҗалыгы өлкәсендә җәмәгать контроленең төбәк үзәге кайнар линия эшләтеп җибәрде.

(Казан, 15 июль, “Татар-информ”). Татарстан торак-коммуналь хуҗалыгы өлкәсендә җәмәгать контроленең төбәк үзәге кайнар линия эшләтеп җибәрде. Биредә Коммуналь хезмәтләргә тарифлар арту турындагы сорауларга җавап алып булачак. Бу хакта ведомство матбугат үзәге хәбәр итә.

“Әлеге чара Россия территориясендә 2017 елның 1 июленнән коммуналь тарифлар күтәрелү буенча оператив мәгълүмат җыю максатыннан эшләнә”, - дип аңлаттылар үзәктә.

Кайнар линия мөрәҗәгатьләрне  15 июльдән 1 сентябрьгә кадәр һәр көнне 236-29-97 телефоны буенча, шулай ук obcontrolrt@mail.ru электрон почтасы аша кабул итә. Сорауларны Казан шәһәрендәге Лобачевский урамы 10в адресы буенча да бирергә була. 
Материал  ... Алга таба укырга »